尋日教會做派月餅探訪...我就去見識下... 左探訪四個基層家庭...(其實我不太喜歡要分咩基層...中產...) 有樂觀面對的...有隱而未說的...有滿腹牢騷的...有把所有希望寄予子女的... 家家有本難唸的經... 冰山一角...我地能夠做d咩呢...? 探訪其間其中一家的小朋友表演魔術... 我都出下我幾年冇玩的一招半式交流下...氣氛都不錯... 估唔到咁都得...(我要練番d銀仔消失之類的魔術先...ccc) 又有一家的兩兄弟玩高達同魔法戰隊...響鬼等玩具... 咁啱我又識少少...同佢地搭到下訕...汗~ 個細佬仲坐我大脾tim...^^" 有一家的小朋友都十二,三歲了... 初時都對咁多人入佢企好反感...仲偷拍我地... 我就藉機走去同佢講野...講下online game之類... 又中...=o=" 好明顯...我係一個細路...由小學到中學生玩既野...我都搭到訕...暈... 但此行真的很寶貴... 自己屋企的生活由木屋區一路到居屋...雖說不上有咩物質生活... 但三餐不憂...有錢睇下戲唱下k之類...有一d好多人都冇既而人們視為基本的娛樂... 有時都會諗...我地一生人係到追求緊d咩呢...? 有咩能帶得走呢...? 滿足一時的慾望...但到頭來...究竟又剩低d咩呢...? 呢個課題真係難明...^^" | 